«Փյունիկ»-ը Կոնֆերենցիաների լիգայի երկրորդ փուլում է
Երևանի «Փյունիկ»-ը Կոնֆերենցիաների լիգայի որակավորման առաջին փուլի շրջանակներում արտագնա խաղում մրցեց էստոնական «Նարվա Տրանս»-ի հետ:
Երևանյան ակումբը մեկնարկային րոպեներին առավելություն ուներ, որն էլ գոլի վերածեց 8-րդ րոպեին: Գրոհը եզրափակեց Դաշյանը: «Փյունիկ»-ից 6 րոպե պահանջվեց ևս մեկ գնդակ ուղարկելու համար մրցակցի դարպասը: Գոլն իր ակտիվում գրանցեց Ժունինյոն`0:2:
Երկրորդ կեսի մեկնարկում հայկական ակումբը կրկին տիրում էր նախաձեռնությանը: Եղիշե Մելիքյանի թիմին հաջողվեց խփել նաև երրորդ գնդակը: Լուկա Յուրիչիչը 66-րդ րոպեին գրավեց «Նարվա Տրանս»-ի դարպասը (0:3):
«Նարվա Տրանս»- «Փյունիկ»`0:3:
Երևանի «Փյունիկ»-ը երկու խաղերի ընդհանուր 5:0 հաշվով հաղթեց էստոնական թիմին և դուրս եկավ Կոնֆերենցիաների լիգայի երկրորդ փուլ:
