ԱՄՆ դեսպանը ներկա է գտնվել «Նաղաշ» անսամբլի համերգին
Երեկ «Առնո Բաբաջանյան» համերգասրահում ԱՄՆ դեսպան Քվինը ներկա էր «Նաղաշ» անսամբլի անզուգական համերգին։ Այս մասին հայտնում է Հայաստանում ԱՄՆ դեսպանատունը:
Դեսպանը շնորհավորեց նրանց տպավորիչ կատարումների համար և հաջողություն մաղթեց ԱՄՆ Պետքարտուղարության Center Stage ծրագրի աջակցությամբ իրականացվող ամերիկյան շրջագայության հետ կապված։
«Նաղաշ» անսամբլը ամերիկյան հանդիսատեսին կներկայացնի հայկական հարուստ երաժշտական ժառանգությունը։ «Նաղաշ» անսամբլի տաղանդաշատ երգիչներն ու երաժիշտները միավորում են հայկական ժողովրդական երգի ոգեղենությունը նոր դասական երաժշտության և ժամանակակից հետմինիմալիզմի, ռոքի և ջազի էներգիայի հետ:
