Գերեզմանատնից գողություններ անողը հայտնաբերվել է
Փետրվարի 14-ին ոստիկանության Վաղարշապատի բաժնում հաղորդում տված քաղաքացին հայտնել էր, որ Խորոնք գյուղի գերեզմանատնից գողացել են պապի գերեզմանի ալյումինե դռները:
Քրեական հետախույզները ձեռնարկած միջոցառումների արդյունքում պարզել են արարքը կատարողի ինքնությունը: Խորոնք գյուղի 57-ամյա բնակիչը փետրվարի 14-ին Մեծամոր գյուղում հայտնաբերվել, ձերբակալվել և տեղափոխվել է բաժին: Պարզվել է, որ նա նույն գերեզմանատնից կատարել էր այլ գողություններ ևս:
57-ամյա տղամարդը ներկայացվել է Վաղարշապատի քննչական բաժին, որտեղ տվել է խոստովանական ցուցմունք
