Սպանության մեջ կասկածվող պարօլիմպիական չեմպիոնի տանը արյունոտ մահակ են գտել

Ընկերուհու սպանության մեջ կասկածվող աթլետ Օսկար Պիստորիուսի բնակարանում արյունոտ մահակ է հայտնաբերվել, փոխանցում է Reuters-ը:

Նշենք, որ Հարավաֆրիկյան Հանրապետության դատարանը մարզիկին մեղադրել է ընկերուհուն սպանելու մեջ:

Փետրվարի 14-ին Պիստորիուսը հրազենից կրակ էր արձակել իր ընկերուհու` հայտնի մոդել Ռևա Ստենկամպի վրա: Աղջիկը ստացված վնասվածքներից մահացել էր:

Սկզբում տեղեկություններ էին տարածվել, թե աղջիկը Վալենտին օրվա կապակցությամբ անակնկալ էր ցանկացել մատուցել մարզիկին, սակայն վերջինս նրան գողի տեղ էր դրել և կրակ էր արձակել վրան:

Սակայն ավելի ուշ ի հայտ եկած փաստերը ենթադրում են, որ զույգը վիճաբանել է, որի ժամանակ էլ Պիստորիուսը կրակ է արձակել նրա վրա:

Նրա բնակարանում տեղի ունեցած խուզարկության ժամանակ իրավապահները նաև արյունոտ մահակ են հայտնաբերել:

Նշենք, որ երկու պրոթեզավորված ոտքով Օսկար Պիստորիուսը պարօլիմպիական խաղերի վեցակի չեմպիոն է: Նա նաև մասնակցել է Օլիմպիական խաղերին:

Մարզական լրահոսն ապահովում է SportArmenia.com-ը