Արմեն Աշոտյան. «Ես էլ ունեմ մազերով նկարներ որ շատ խնդրեք, մի օր կտեղադրեմ»
Ռուսաստանյան հայտնի՝ Россия 24 / Вести հեռուստաալիքը փետրվարի 7-ին և 8-ին ներկայացրել էր իր պատրաստած՝ 2 մասից բաղկացած «Ամուսնացած եմ նախագահի հետ» («Замужем за президентом») վերնագրով ֆիլմը, որում ՀՀ Առաջին տիկին Ռիտա Սարգսյանը պատմել է գործող նախագահ, ՀՀ նախագահի թեկնածու Սերժ Սարգսյանի աշխատանքների մասին: Ֆիլմում ցուցադրվում են նաև Սերժ Սարգսյանի երիտասարդ տարիքի լուսանկարները, որոնցից մեկում նա երկար մազերով է:
Այդ լուսանկարը ֆեյսբուք սոցիալական ցանցում դարձավ քննարկման առարկա: Քննարկումից անմասն չմնաց նաև ՀՀ կրթության և գիտության նախարար Արմեն Աշոտյանը, ով այսօր իր էջում գրել է.
«Հաշվի առնելով, թե ինչ հետաքրքրություն և աժիոտաժ է առաջացրել ՀՀ Նախագահի երիտասարդ տարիների լուսանկարը, շտապեմ տեղեկացնել, որ ես էլ ունեմ մազերով նկարներ:)
Որ շատ խնդրեք, մի օր կտեղադրեմ:)»:
