Նաոմի Քեմփբըլը ներկայացրել է The Face շոուն (լուսանկարներ)
Մոդել Նաոմի Քեմփբըլը հաղորդավարուհի է դարձել. նա հանրության ուշադրությանն է ներկայացրել The Face շոուն: Ինչպես գրում է luxlux.net կայքը, այսուհետ Նաոմին դաստիարակելու է սուպերմոդելների նոր սերնդին: Շոուի շնորհանդեսին մոդելը ներկայացել էր երկար սպիտակ զգեստով:
Շոուն ունենալու է երեք հաղորդավար` Կոկո Ռոշա, Նաոմի Քեմփբըլ, Կարոլինա Կուրկովա: Վերջիններս մոդել դառնալ ցանկացողների համար զանազան մրցույթներ են կազմակերպելու, նրանց տարբեր հանձնարարություններ են տալու: Մոդելներն, ովքեր չեն կարողանա հաղթահարել առաջարկված մրցույթները, դուրս կմնան նախագծից:
