Մարսիալը գրանցել է ԱՊԼ-ում մրցաշրջանի լավագույն ցուցանիշը
«Մանչեսթեր Յունայթեդի» հարձակվող Անթոնի Մարսիալին Անգլիայում մեկ գոլ խփելու համար անհրաժեշտ է մոտ 105 րոպե:
Սա լավագույն արդյունքն է ընթացիկ մրցաշրջանի 18 փուլերից հետո:
«Արսենալի» գաբոնցի հարձակվողը երկրորդ արդյունքն ունի: Պիեր-Էմերիկ Օբամեյանգն իր գոլերը խփում է 116 րոպեի տարբերությամբ: Երրորդ տեղում է Ռահիմ Սթերլինգը («Մանչեսթեր Սիթի», 134 րոպե):
Լավագույն հնգյակում են նաև Մոհամեդ Սալահը («Լիվերպուլ», 135 րոպե) և Հարրի Քեյնը («Տոտենհեմ», 161 րոպե):
Սիրարփի Աղաբաբյան
