Ֆրանսիայում «դեղին բաճկոնավորների» բողոքի ակցիաների ընթացքում գրեթե երեք հազար մարդ է տուժել
Ֆրանսիայում «դեղին բաճկոնավորների» շարժման շրջանակներում բողոքի ակցիաների սկսվելուց ի վեր տուժել է գրեթե երեք հազար մարդ, այդ թվում՝ հազարից ավելի իրավապահներ: Այդ մասին BFMTV հեռուստաալիքին հայտնել է հանրապետության ՆԳ նախարարության ներկայացուցիչը:
Ինչպես նշում է, նոյեմբերի կեսերից շարունակվող բողոքների ընթացքում տուժել են 1843 քաղաքացիական անձ եւ 1048 իրավակարգի պահապան: Անկարգությունների զոհերի թիվը, որոնցով ուղեկցվել են բողոքի ակցիաները, հասել է իննի, հաղորդել է ՌԻԱ Նովոստին:
