Գուտերիշը հայտարարեց ՄԱԿ-ի Գլոբալ հակաահաբեկչական պայմանագրի ուժի մեջ մտնելու մասին
ՄԱԿ-ի Գլոբալ հակաահաբեկչական պայմանագրի ուժի մեջ մտնելը դարձավ կազմակերպության բարենորոգման կարեւոր մասը: Դեկտեմբերի 6-ին այս մասին հայտարարել է ՄԱԿ-ի գլխավոր քարտուղար Անտոնիու Գուտերիշը՝ փաստաթղթի իրագործման սկսվելուն նվիրված նիստում:
Գլխավոր քարտուղարը վստահություն է հայտնել, որ պայմանագիրը կօգնի ավելի արդյունավետ դարձնելու ահաբեկչությանը հակազդելու երկրների համատեղ գործողությունները: Գուտերիշն ընդգծել է, որ պայմանագրի գործողությունը կվերահսկի ՄԱԿ-ի Հակաահաբեկչական վարչությունը (ՀԱՎ):
ՄԱԿ-ի Գլոբալ հակաահաբեկչական պայմանագիրը կմիավորի կազմակերպության շուրջ 40 կառույցների աշխատաքը, հաղորդել է ՏԱՍՍ-ը:
