«Հույս ունեմ, որ իմ արժանի պատիժը կստանամ դրա համար». Նիկոլ Փաշինյան
ՀՀ վարչապետի պաշտոնակատար, «Իմ քայլը» դաշինքի առաջնորդ Նիկոլ Փաշինյանը լրագրողների հետ հանդիպման ժամանակ անդրադարձավ այսօր մետրոյից ուղիղ հեռարձակում կատարելուն:
«Ես հույս ունեմ, որ իմ արժանի պատիժը կստանամ դրա համար: Ինչ հասնում է օրենքով՝ պատրաստ եմ կրել», – ասաց Նիկոլ Փաշինյանը:
Նա ասաց, թե առաջին անգամը չէ, որ ինքը մետրոյից ուղիղ հեռարձակում է արել։
«Բոլոր քարոզարշավներից նույն բանն արել եմ Երևանի մետրոպոլիտենում, եթե ինչ-որ բան այն չի եղել՝ պատրաստ եմ կրել օրենքի ողջ խստությամբ իմ պատիժը»,- նշեց Նիկոլ Փաշինյանը։
Անի Կարապետյան
