«Ցանկանում եմ այս մրցաշրջանում հաղթել ԱՊԼ-ն «Լիվերպուլի» հետ». Սալահ
«Լիվերպուլի» հարձակվող Մոհամեդ Սալահը Sky Sports-ին պատմել է իր գլխավոր նպատակի մասին:
«Նախորդ մրցաշրջանում իմ նպատակը ոչ միայն ռեկորդ սահմանելն էր, այլ ակումբի հետ ինչ-որ բան նվաճելը: «Լիվերպուլը» շատ մոտ էր Չեմպիոնների լիգան հաղթելուն, բայց սա ֆուտբոլ է, որտեղ պետք է ընդունել արդյունքը:
Այս մրցաշրջանում իմ գլխավոր նպատակն ակումբի հետ ինչ-որ բան հաղթելն է: Դա մեծ նվաճում կլինի՝ ինչպես ակումբի, այնպես էլ՝ խաղացողների համար: Դա նաև երազանք է քաղաքի, երկրպագուների համար: Այնպես որ, այս մրցաշրջանում պետք է ինչ-որ բան անել:
Ինչ վերաբերում է ինձ, ապա ես ուզում եմ այս մրցաշրջանում հաղթել ԱՊԼ-ն:
Մեր վերջին հանդիպումը մայիսի 12-ին է, «Էնֆիլդում», ցանկանում եմ, որ «Լիվերպուլն» այդ օրը ձևակերպի չեմպիոնությունը»,- ասել է Սալահը:
Պատրաստեց Անի Գաբուզյանը
