Կինոյի դահլիճում հրդեհ է բռնկվել. մեկնել է երկու մարտական հաշվարկ
Նոյեմբերի 30-ին, ժամը 15:39-ին «911» ծառայությանն ահազանգ է ստացվել, որ հրդեհ է բռնկվել Արարատի մարզի Արտաշատ քաղաքի Մարքսի փողոցում՝ երաժշտական դպրոցի մոտակայքում գտնվող ոչ բնակելի շենքի 2-րդ հարկում:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Հրաչյա Թովմասյան փողոցի թիվ 16 հասցեում գտնվող չշահագործվող կինոյի շենքի 2-րդ հարկի դահլիճում:
Հրդեհը մեկուսացվել է ժամը 19:10-ին, մարվել՝ 23:01-ին: Այրվել են դահլիճի գույքը և հատակը (300 քմ):
