Իմ բժշկական զննության արդյունքները ծայրաhեղ լավն էին. Թրամփ
Իմ բժշկական զննության արդյունքները ծայրահեղ լավն էին։ Այս մասին Truth Social-ի իր էջում գրել է ԱՄՆ նախագահ Դոնալդ Թրամփը։
«Իմ բժշկական զննության արդյունքները, որն անցկացվել է Ուոլտեր Ռիդի անվան ռազմական բժշկական կենտրոնում և հենց նոր հրապարակվել է, ծայրահեղ լավն էին: Ի տարբերություն ԱՄՆ մյուս նախագահների, որոնցից ոչ մեկը երբևէ չի անցել հաստատված, բարձր բարդության Կոգնիտիվ Թեստ, ես հավաքել եմ կատարյալ 30 միավոր 30-ից, ինչը համարվում է «ծայրահեղ ինտելեկտ»: Տխմարոկրատներն իրո՞ք զարմացած են:
Իրականում, սա իմ չորրորդ նման թեստն է, բոլորը՝ կատարյալ կամ 120 ճիշտ պատասխան տրված 120 հարցերից: Շատ հազվադեպ է պատահում, որ որևէ մեկը Կատարյալ Արդյունք գրանցի, հատկապես, երբ դրան հասնում են չորս անգամ անընդմեջ: Բոլոր նրանք, ովքեր առաջադրվում են Նախագահի և Փոխնախագահի պաշտոններում, պետք է ստիպված լինեն անցնել բարձր բարդության Կոգնիտիվ Թեստեր: Կոնգրեսը և Տխմարոկրատները պետք է պահանջեն դա»,- գրել է Թրամփը:
