Իսրայելի հետ հարաբերությունները կկարգավորվի միայն, երբ Պաղեստինյան պետությունն «անշրջելի ուղի» դառնա. Սաուդյան Արաբիա
Սաուդյան Արաբիան կհամաձայնի Իսրայելի հետ հարաբերությունների կարգավորմանը միայն Պաղեստինյան պետության ստեղծմանն ուղղված «անշրջելի ուղու» ի հայտ գալու դեպքում, CNN-ին հայտնել է թագավորությունում աղբյուրը՝ ԱՄՆ նախագահ Դոնալդ Թրամփի՝ «Աբրահամյան համաձայնագրերի» ընդլայնման մասին հայտարարությունների ֆոնին։
Ըստ աղբյուրի՝ Էր Ռիյադի դիրքորոշումը մնում է անփոփոխ. «Անշրջելի ուղի դեպի Պաղեստինյան պետություն»։
Ավելի վաղ Թրամփը սոցիալական ցանցերում հայտարարել էր, որ Իրանի հետ պատերազմի ավարտի շուրջ համաձայնության հասնելուց հետո Մերձավոր Արևելքի երկրները և այլ պետություններ «պարտավոր կլինեն» միանալ «Աբրահամյան համաձայնագրերին» և ճանաչել Իսրայելը։
Նա միաժամանակ զգուշացրել է «ավելի շատ ու ավելի հզոր, քան երբևէ նախկինում» ռազմական ուժ կիրառելու հնարավորության մասին, եթե կողմերին չհաջողվի համաձայնության գալ հակամարտության դադարեցման շուրջ։
Այսպիսով, ԱՄՆ-ի և Սաուդյան Արաբիայի դիրքորոշումների միջև պահպանվում է առանցքային տարաձայնություն. Վաշինգտոնն առաջ է մղում Իսրայելի հետ հարաբերությունների կարգավորման ընդլայնումը որպես ավելի լայն տարածաշրջանային համաձայնագրի մաս, մինչդեռ Էր Ռիյադն այս գործընթացը կապում է պաղեստինյան հարցում հստակ առաջընթացի հետ։
