Ռոմանոն բացահայտել է՝ ինչ ապագա է սպասվում Արտետային «Արսենալում»
Լրագրող և ինսայդեր Ֆաբրիցիո Ռոմանոն X սոցիալական ցանցում հայտնել է, որ Լոնդոնի «Արսենալը» մտադիր է գլխավոր մարզիչ Միկել Արտետային նոր պայմանագիր առաջարկել։
Աղբյուրի փոխանցմամբ՝ Արտետայի վերաբերյալ որոշումը սկզբունքորեն կայացվել է դեռևս ձմռանը։ Ըստ լուրերի՝ «Արսենալի» ղեկավարությունը 44-ամյա իսպանացի մարզչին դիտարկում է որպես թիմի երկարաժամկետ զարգացման նախագծի ղեկավար։ Ընդգծվում է, որ Արտետան ինքը պատրաստ է երկար ժամանակով մնալ Անգլիայում։
Համաձայնագրի մանրամասները նախատեսվում է քննարկել մինչև ամառ՝ ՈՒԵՖԱ-ի Չեմպիոնների լիգայի եզրափակչից հետո, սակայն կողմերը չեն պատրաստվում շտապել։ Արտետայի ներկայիս պայմանագիրը նախատեսված է մինչև 2027 թվականի ամառը։
Արտետան «Արսենալը» գլխավորում է 2019 թվականից։ Այս մրցաշրջանում նրա թիմը նվաճել է Անգլիայի Պրեմիեր լիգայի տիտղոսը և հասել է գլխավոր եվրոպական մրցաշարի եզրափակիչ, որը կկայանա մայիսի 30-ին։ Նրանց մրցակիցը ՊՍԺ-ն է։
Նախկինում Արտետայի գլխավորությամբ «Արսենալը» 2019/2020 մրցաշրջանում նվաճել է Անգլիայի գավաթը և երկու անգամ դարձել Անգլիայի Սուպերգավաթի հաղթող (2020/2021, 2023/2024):
