Ռուսաստանին հաղթելու մասին երազողներին ոչ մի «հովանոց» չի փրկի․ ՌԴ փոխարտգործնախարար
Որևէ «հովանոց» չի փրկի նրանց, ովքեր իրենց բորբոքված ուղեղներում երազում են Ռուսաստանի դեմ հաղթանակի մասին։ Այս մասին լրագրողներին հայտարարել է ՌԴ արտաքին գործերի նախարարի տեղակալ Սերգեյ Ռյաբկովը, հաղորդում է «ՏԱՍՍ»-ը։
«Մենք մարդիկ ենք, որոնք ապրում են ոչ թե հեքիաթների, պատրանքների ու ուրվականների աշխարհում, այլ պատասխանատու մարդիկ ենք, որոնք զբաղվում են ռազմական անվտանգությամբ, սեփական շահերի ապահովմամբ՝ այնպես, որ մեր ժողովուրդը, մեր մարդիկ վստահ լինեն, որ իրենց ոչինչ չի սպառնում, և որ որևէ մեկի բորբոքված ուղեղում, որտեղ պատկերվում է մեծ Ռուսաստանի նկատմամբ հաղթանակը, չթվա, թե հիմա այն պահն է, երբ կարելի է փորձել սեփական ուժերը։ Նրանք կստանան իրենց հասանելիքը։ Ոչ մի «հովանոց» չի փրկի նրանց»,- ասել է ռուս դիվանագետը։
