Թայվանը Թրամփի հայտարարությունից հետո իրեն անվանել է «անկախ պետություն»
Թայվանը շաբաթ օրը հայտարարել է, որ «անկախ պետություն» է՝ ԱՄՆ նախագահ Դոնալդ Թրամփի այն նախազգուշացումից մի քանի ժամ անց, որով նա չինական կղզուն զգուշացրել էր պաշտոնական անկախություն հռչակելուց, հաղորդում է AFP-ն։
«Թայվանը ինքնիշխան և անկախ ժողովրդավարական պետություն է և չի ենթարկվում Չինաստանի Ժողովրդական Հանրապետությանը»,- ասվում է Թայվանի արտաքին գործերի նախարարության հայտարարության մեջ։
Թրամփն ավելի վաղ ակնարկել էր, որ վերանայում է կղզուն զենք տրամադրելու հարցը։ Ի պատասխան սրան՝ Թայվանի ԱԳՆ-ն շեշտել է, որ ամերիկյան սպառազինության վաճառքը Վաշինգտոնի անվտանգային պարտավորությունների մի մասն է։
«Ինչ վերաբերում է ԱՄՆ-ի կողմից Թայվանին տրամադրվող սպառազինությանը, ապա դա ոչ միայն «Թայվանի հետ հարաբերությունների մասին» օրենքով հստակ սահմանված ամերիկյան անվտանգային պարտավորությունն է, այլև տարածաշրջանային սպառնալիքների համատեղ զսպման ձևաչափ»,- նշել են գերատեսչությունում:
Թայվանի այս հայտարարությունները հնչել են ԱՄՆ նախագահի՝ Չինաստան կատարած պետական այցի ավարտի հաջորդ իսկ օրը:
