Արմեն Գրիգորյանը և ԱՄՆ պետքարտուղարի փոխտեղակալն անդրադարձել են ԹՐԻՓՓ նախագծի իրագործման շրջանակում տարվող աշխատանքներին ու դրանց հետագա ընթացքին
Ընդունել եմ ԱՄՆ պետքարտուղարի փոխտեղակալ Սոնաթա Քոուլթերին: Այս մասին ֆեյսբուքյան իր էջում գրել է ՀՀ ԱԽ քարտուղար Արմեն Գրիգորյանը։
«Գոհունակությամբ երկուստեք ընդգծել ենք Վաշինգտոնյան համաձայնագրերն ու մատնանշել դրանց շրջանակում իրականացվող համագործակցության շոշափելի արդյունքները: Անդրադարձ ենք կատարել նաև «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի իրագործման շրջանակում տարվող աշխատանքներին ու դրանց հետագա ընթացքին:
Զրուցակցիս հետ նաև մտքեր ենք փոխանակել երկկողմ հետաքրքրություն ներկայացնող այլ հարցերի շուրջ»,-գրել է նա։
