Բրիտանական ծովային առևտրային գործողությունների վարչությունը հայտնել է Եմենի ափերի մոտ «կասկածելի» ակտիվության մասին
Միացյալ Թագավորության ծովային առևտրային գործառնությունների վարչությունը (UKMTO) հայտնել է Եմենի Մուկալլա նավահանգստից 84 ծովային մղոն հարավարևմուտք կասկածելի ակտիվության մասին, հայտնում է The Guardian-ը:
Բեռնատար նավը հաղորդել է, որ մի փոքրիկ նավակ և ձկնորսական նավ են մոտեցել իրեն 500 մետր հեռավորության վրա, հայտնում է UKMTO-ն:
Այն պահից ի վեր, երբ փետրվարի 28-ին սկսվեց Իրանի դեմ ամերիկա-իսրայելական պատերազմը, UKMTO-ում ստացվող հաղորդագրությունները «գերազանցում են բոլոր սահմանները», հատկապես Հորմուզի նեղուցում:
Թագավորական ռազմածովային նավատորմի տվյալներով, որը ղեկավարում է UKMTO-ն, մարտի 1-ից ապրիլի 27-ն ընկած ժամանակահատվածում կենտրոնն արձանագրել է 41 միջադեպ:
«Ամենատագնապալի զանգերը ստացվում են հարձակման ենթարկված նավերից, – ասել է UKMTO-ի օպերատիվ բաժնի ղեկավար, հրամանատար Ջո Բլեքը: – Նրանց համար սա բացարձակապես սարսափելի փորձառություն է. նրանք քաղաքացիական անձինք են, պատրաստ չեն նման բանի՝ անօդաչու թռչող սարքեր, հրթիռներ, կրակոցներ հրաձգային զենքերից, որոնք ուղղված են իրենց կամրջակին կամ մեքենայական բաժանմունքին, և սպառնալիքներ իրենց անվտանգությանը: Ուստի նրանք սթրեսի մեջ են, շատերը խոսում են անգլերենի շատ պարզունակ մակարդակով և փորձում են բացատրել մի բան, ինչը հաճախ դուրս է իրենց հասկացողության սահմաններից»:
