Բեռնարդու Սիլվայի տեղափոխությունը նոր ակումբ գրեթե ավարտված է
Ամեն ինչ գնում է նրան, որ «Մանչեսթեր Սիթիի» պորտուգալացի կիսապաշտպան Բեռնարդու Սիլվան առաջիկա ամռանը կհամալրի կատալոնական «Բարսելոնայի» շարքերը: Կողմերն արդեն համագործակցության վերաբերյալ սկզբունքային համաձայնության են եկել:
Ինչպես հաղորդում են The Touchline-ը և Barca Universal-ը՝ վկայակոչելով լրագրող Միկել Բլասկեսին, պորտուգալացի ֆուտբոլիստի տեղափոխությունը «Բարսելոնա» իրականացված է 80 տոկոսով։ Կողմերին մնացել է համաձայնեցնել ընդամենը մի քանի մանրամասն:
Նշվում է, որ կատալոնական ակումբի հետ պայմանագիր կնքելու համար 31-ամյա ֆուտբոլիստը պատրաստ է գնալ աշխատավարձի զգալի՝ մոտ 60 տոկոս նվազեցման՝ անգլիական ակումբում ստացած վարձատրության համեմատ։
Այնուամենայնիվ, Սիլվայի տեղափոխության հարցում վերջնական որոշումը կայացնելու է «Բարսելոնայի» գլխավոր մարզիչ Հանս-Դիտեր Ֆլիկը։ Գերմանացի մասնագետը դեմ չի լինի այս գործարքին միայն այն դեպքում, եթե ներկայիս կիսապաշտպաններից որևէ մեկը հեռանա թիմից։ Ընդգծվում է նաև, որ, բացի Սիլվայից, կիսապաշտպանության գծում այլ ֆուտբոլիստների ձեռքբերում չի սպասվում:
Սպասվում է, որ Բեռնարդու Սիլվան «Բարսելոնային» կմիանա ամռանը՝ ազատ գործակալի կարգավիճակով, քանի որ նրա գործող պայմանագրի ժամկետը «Մանչեսթեր Սիթիի» հետ սպառվում է:
