Շունը կդառնա Բուլղարիայի խորհրդարանի նիստերի մշտական մասնակից
Շունը կլինի Բուլղարիայի 52-րդ գումարման Ժողովրդական ժողովի լիագումար նիստերի մշտական մասնակից, հայտնել է Բուլղարիայի ազգային հեռուստատեսությունը։
52-րդ գումարման Ժողովրդական ժողովի արտահերթ ընտրությունները տեղի են ունեցել ապրիլի 19-ին, կիրակի օրը։ Հինգշաբթի կայացել է նոր խորհրդարանի առաջին նիստը։
Պատգամավորներից մեկը տեսողության խնդիրներ ունեցող Իվան Յանևն է, որն օգտվում է ուղեկցող շան՝ Ռովեր անունով լաբրադորի ծառայություններից։ Մի քանի օր առաջ նրանք երկուսով արդեն այցելել էին շենք՝ տեղաշարժի երթուղիներն ուսումնասիրելու համար։
Յանևը ընտրվել է «Առաջադեմ Բուլղարիա» դաշինքի ցուցակով, որը Ժողովրդական ժողովում ստացել է տեղերի բացարձակ մեծամասնությունը (240-ից 131-ը)։ Խորհրդարանում կատակով ասում են, որ Ռովերը 241-րդ պատգամավորն է։ Լաբրադորը պատգամավորին կուղեկցի հանձնաժողովների նիստերին և լիագումար նիստերի դահլիճում։
