Թրամփը շոկի է ենթարկել Պենտագոնին՝ Գերմանիայից ԱՄՆ զորքերը դուրս բերելու գաղափարով. Politico
Պենտագոնում շատերն այդ մասին առաջին անգամ տեղեկացել են նրա Truth Social-ի գրառումից և զորակազմի կրճատման վերաբերյալ որևէ նախնական պլան չեն ունեցել, հայտնում է պարբերականը:
Գերմանացի պաշտոնյաները նույնպես զարմանք են հայտնել վերջերս տեղի ունեցած կառուցողական բանակցություններից հետո: Նրանցից մեկը զգուշացրել է, որ «Թրամփի կոպիտ սպառնալիքների քաղաքականությունը հասել է իր սահմանին», և որ զորքերի դուրսբերումը «լրջորեն կթուլացնի հենց Ամերիկային»:
Գերմանիայում տեղակայված է մոտ 35,000–40,000 ամերիկացի զինծառայող, ինչպես նաև այնտեղ են գտնվում հիմնական հրամանատարություններն ու ենթակառուցվածքները: Սա ցանկացած արագ դուրսբերում դարձնում է ծախսատար և լոգիստիկ տեսանկյունից բարդ, հատկապես այն պայմաններում, երբ Պենտագոնը շարունակում է ներգրավված մնալ Իրանի դեմ պատերազմում:
