Ինդոնեզիան ցանկանում է ռուսական սուզանավեր գնել
Ինդոնեզիայի ռազմածովային ուժերը կցանկանան ապագայում ձեռք բերել ռուսական սուզանավեր և այլ ռուսական տեխնիկա: Այս մասին РИА Новости-ի հետ զրույցում ասել է Ինդոնեզիայի ռազմածովային ուժերի գլխավոր հրամանատար, ծովակալ Մուհամմադ Ալին։
Երեքշաբթի օրը Ինդոնեզիայի ռազմածովային ուժերի ղեկավարը այցելել է Ջակարտա, որտեղ գործնական այցով ժամանաել են Ռուսաստանի Խաղաղօվկիանոսյան նավատորմի նավերը: Մասնավորապես, Մուհամմադ Ալին զննել է «Պետրոպավլովսկ-Կամչատսկի» սուզանավը, որը ջոկատի մաս է կազմում:
«Իրականում, Ինդոնեզիայի ռազմածովային ուժերը դեռ խորհրդային ժամանակներում օգտագործել են խորհրդային տեխնիկա՝ ոչ միայն նավեր, այլև ինքնաթիռներ և սուզանավեր։ Եվ ապագայում մենք կցանկանայինք կրկին ձեռք բերել ռուսական տեխնիկա, այդ թվում՝ սուզանավեր, մասնավորապես՝ արդիականացված «Վարշավյանկա» նախագծի 636 սուզանավերը»,- հայտարարել է Մուհամմադ Ալին։
