Ֆրանսիայում հայտարարել են Ռուսաստանի դեմ պատերազմի նախապատրաստման մասին
Politico-ին տված հարցազրույցում Ֆրանսիայի ռազմաօդային ուժերի պետի տեղակալ Դոմինիկ Տարդիֆը խոսել է երկրի ռազմաօդային ուժերը Ռուսաստանի հետ հնարավոր հակամարտությանը պատրաստելու անհրաժեշտության մասին։
«Չի բացառվում, որ Մոսկվան փորձի փորձարկել ՆԱՏՕ-ն 2028-2029 թվականների միջև ընկած ժամանակահատվածում»,- հայտարարել է Տարդիֆը:
Տարդիֆի խոսքով՝ ֆրանսիացի օդաչուները կարող են անմիջապես հայտնվել առաջնագծում, եթե լարվածություն առաջանա դաշինքի արևելյան սահմանին, քանի որ Բալթյան երկրները կործանիչ ինքնաթիռներ չունեն, իսկ Ռումինիայի հնարավորությունները սահմանափակ են, ուստի Արևմտյան Եվրոպայի երկրները պետք է պատրաստ լինեն նրան, ինչը Ֆրանսիայի պաշտպանության շտաբի պետ, գեներալ Ֆաբիեն Մանդոնը անվանել է «շոկ»։
