Շվարցենեգերը Հյուսիսային Իռլանդիայից ստացել է պատվավոր դոկտորի կոչում
Կալիֆոռնիայի նախկին նահանգապետ և կինոաստղ Առնոլդ Շվարցենեգերն այսօր Հյուսիսային Իռլանդիայի Օլստերի համալսարանից պատվավոր դոկտորի կոչում է ստացել։ Այս մասին գրում է ՌԻԱ Նովոստին։
Դերասանի հասարակության, շրջակա միջավայրի և արվեստի մեջ ունեցած ներդրման համար գնահատանքի արժանացած արարողությունը տեղի ունեցավ համալսարանի Բելֆաստի տարածքում։ Տեղական հեռուստաալիքները հեռարձակեցին միջոցառումը։
«Միշտ հաճելի է պատվավոր կոչում ստանալ, հատկապես՝ կատարած աշխատանքի համար։ Բայց ինձ համար սա շատ յուրահատուկ է, քանզի, ինչպես ասաց ռեկտորը, 60 տարի առաջ ես առաջին անգամ եկա Բելֆաստ։
60 տարի առաջ․․․ մտածե՛ք այդ մասին։ Այստեղ ապրող մարդկանց մեծ մասը նույնիսկ այդ ժամանակ չէր ծնվել։ Ինձ համար սա իսկապես կարևոր իրադարձություն է. 60 տարի անց ես վերադառնում եմ այստեղ։ Բայց ես այն ժամանակ ասացի. «Ես կվերադառնամ»», – ասել է դերասանը։
