Ինչպե՞ս է Ozon-ը Հայաստանում փոխում լոգիստիկ ստանդարտներն ու տնտեսությունը

Մեկ սեղմումով պատվիրեցիք ապրանքն Ozon-ում, վերցրեցիք այն ձեր տան մոտ գտնվող հանձնման կետից, հավելվածում տեսաք, որ առաքումն ավարտված է։ Հեշտ է թվում, բայց իրականում դրա հետևում հարյուրավոր ու հազարավոր աշխատակիցների համակարգված աշխատանք է։ Պատմում ենք, թե ինչպես է կառուցված Ozon-ի լոգիստիկան Հայաստանում և ինչ ազդեցություն ունի այն երկրի տնտեսության վրա։

Ինչի՞ց է սկսվում․ինչպե՞ս է ապրանքը հայտնվում Ozon-ի լոգիստիկ համակարգում

Առաջին փուլ՝ վաճառողից բեռնաթափում։ Ozon-ում ձեռնարկատերերի մեծ մասն օգտագործում է համագործակցության մոդելներ, որոնց դեպքում մարքեթփլեյսն ամբողջությամբ իր վրա է վերցնում առաքումը։

• FBO՝ վաճառողն ապրանքը տեղափոխում է Ozon-ի պահեստ, իսկ հետո մարքեթփլեյսը հոգում է ամեն ինչ՝ պահեստավորում, փաթեթավորում, առաքում գնորդին և վերադարձների մշակում։

• FBS՝ պահեստավորումն ու փաթեթավորումն իրականացնում է վաճառողը, իսկ լոգիստիկան կազմակերպում է Ozon-ը։

Վաճառողը կարող է ապրանքը բերել ինքնուրույն կամ տրանսպորտային ընկերության միջոցով, փոխանցել պատվերների ընդունման կետում կամ կանչել Ozon-ի սուրհանդակին, որը կվերցնի առաքումները։

Ապրանքները տեղափոխվում են Երևանի ֆուլֆիլմենթ կենտրոն՝ Հայաստանի հիմնական լոգիստիկ համալիր։ Այստեղ աշխատում են պահեստի օպերատորները, որոնք սկանավորում և ստուգում են յուրաքանչյուր փաթեթի ամբողջականությունն ու համապատասխանությունը, համեմատում փաստացի ծավալներն ուղեկցող փաստաթղթերի հետ։

Լիարժեք աշխատող ֆուլֆիլմենթ կենտրոնը բացվել է Երևանում 2024 թվականին։ Այն ունի 2500 քմ տարածք, կարող է միաժամանակ պահեստավորել մինչև 50 000 ապրանք և օրական մշակել մինչև 2000 պատվեր։

Եթե ամեն ինչ կարգին է, ապրանքը տեղադրվում է պահեստավորման բջիջներում և դառնում հասանելի 65,1 միլիոն գնորդների համար։

Կյանքը պահեստում․ պահեստավորում, փաթեթավորում, առաքում

Մինչև պատվիրելը, ապրանքը սպասում է իր հերթին ֆուլֆիլմենթ կենտրոնում։ Այստեղ կան տարբեր գոտիներ․ օրինակ՝ թանկարժեք ապրանքները պահվում են առանձին, ավելի խիստ վերահսկողությամբ տարածքներում։

Պահեստներում պահպանվում է խիստ ջերմաստիճանային ռեժիմ՝ սանիտարական նորմերին համապատասխան․ցուրտ եղանակին՝ 16-24°C․ տաք եղանակին՝ 18-25°C։ Հատուկ պայմաններ պահանջող ապրանքները՝ սնունդը, կոսմետիկան, պահվում են հատուկ կլիմայական հատվածներում։ Ամուր տարաները չեն թողնում ապրանքների տեսքի և չափերի որևէ փոփոխություն։

Պատվերի ձևակերպումից հետո ապրանքը խնամքով փաթեթավորվում է, որպեսզի չվնասվի ճանապարհին։ Այնուհետև ուղարկվում է տեսակավորման կենտրոն, որը գտնվում է հենց ֆուլֆիլմենթի հարևանությամբ։

Ֆուլֆիլմենթն ու տեսակավորման կենտրոնն ապահովում են առաքումն ամբողջ երկրում

Տեսակավորման կենտրոնը ընդունում է ծանրոցները և բաշխում դրանք հետագա երթուղիներով։ Այս հանգույցը զբաղվում է լոգիստիկայով՝ ի տարբերություն ֆուլֆիլմենթ կենտրոնի, որի հիմնական նպատակը պատվերների ամբողջական մշակումն է՝ փաթեթավորմամբ և պահպանմամբ։

Պահեստային գործընթացների օպտիմալացման համար Ozon-ն օգտագործում է ժամանակակից կառավարման համակարգեր (WMS), որոնք թույլ են տալիս վերահսկել մնացորդները, հետևել պատվերների կարգավիճակներին, կանխատեսել պահանջարկը։ Արդյունքում առաքման ժամանակը կրճատվում է, իսկ ապրանքները երկար չեն մնում պահեստում։

Ճանապարհ դեպի հաճախորդ

Տեսակավորման կենտրոնից պատվերները ուղարկվում են երկրի տարբեր հատվածներ։ Որպեսզի պատվերները հնարավորինս արագ հասնեն Հայաստանի անգամ ամենահեռավոր կետեր, իսկ առաքումը լինի անվճար կամ հնարավորինս մատչելի, գործում են լոգիստները․

• հաշվարկում են ամենակարճ երթուղիները,

• համակարգում վարորդների և պահեստի աշխատանքը,

• հետևում են պատվերներին թրեքինգ համակարգերում,

• իրական ժամանակում թարմացնում են առաքման կարգավիճակները։

Մասնագետները աշխատում են հերթափոխով, նույնիսկ գիշերային ժամերին, որպեսզի լոգիստիկան գործի առանց ընդհատումների։

Այս համակարգի շնորհիվ Ozon-ը գրեթե վերացրել է առաքման արագության տարբերությունը Երևանի և մարզերի միջև։

Բնակավայրերի միջև պատվերները տեղափոխում են վարորդները, որոնք աշխատում են հստակ գրաֆիկով։ Մինչ ուղևորությունը նրանք ստուգում են, որ մեքենան հավասարաչափ բեռնված լինի․այդպես ծանրոցները հասնում են անվնաս։

Հավասարաչափ բաշխվածությունը ճանապարհային անվտանգության երաշխիքն է

«Ահա ձեր պատվերը»․սուրհանդակներ և առաքման կետեր

Սուրհանդակները վերցնում են ծանրոցները յուրաքանչյուր քաղաքի լոկալ տեսակավորման կենտրոններից։ Այնուհետև դրանք հասցնում են տուն կամ առաքման կետ՝ կախված նրանից, թե գնորդը ինչ տարբերակ է ընտրել։ Օրվա ընթացքում սուրհանդակը կարող է անցնել մինչև 89 կմ։

Հանձնման կետերն առկա են Հայաստանի բազմաթիվ քաղաքներում։ Դրանք մշտապես ավելանում են՝ շնորհիվ այն աջակցության միջոցների, որոնք տրամադրվում են ձեռնարկատերերին, որոնք ցանկանում են բացել հանձնման կետ և եկամուտ ստանալ մշակված պատվերներից։

Պատվերի հանձնման կետում գնորդներին դիմավորում է աշխատակիցը, որը կատարում է բազմաթիվ գործառույթներ՝

• ընդունում է սուրհանդակից պատվերները և ստուգում մատակարարումները,

• դասավորում է ծանրոցները համապատասխան բջիջներում, որպեսզի հեշտ գտնվեն և հաճախորդը չսպասի,

• տրամադրում է պատվերներն ըստ համարի կամ շտրիխ կոդի,

• օգնում է վերադարձների և այլ հարցերի դեպքում։

Հանձնման կետերը բաց են օրական 12 ժամ՝ նաև հանգստյան օրերին և հիմնական տոնական օրերին։ Այդպես գնորդը կարող է իր պատվերը վերցնել իրեն հարմար ժամանակ։

Հանձնման կետում առկա են անհրաժեշտ ամեն ինչ՝լ պատվերը ստուգելու կամ հագուստն ու կոշիկը փորձելու համար

Ինչո՞ւ է Ozon-ի ենթակառուցվածքը կարևոր Հայաստանի տնտեսության համար

Մարքեթփլեյսի նշանակությունը չի սահմանափակվում միայն հարմար գնումներով․ այն երկրի զարգացման շարժիչներից մեկը։

Աշխատատեղերի ստեղծում

Որոշ մասնագիտությունների համար, օրինակ՝ սուրհանդակի, հատուկ կրթություն կամ փորձ անհրաժեշտ չէ․ սա լավ մեկնարկ է ուսանողների և նրանց համար, ովքեր ցանկանում են սկսել իրենց կարիերան։

Տեղական բիզնեսի աջակցություն

Ozon-ը հնարավորություն է տալիս ձեռնարկատերերին վաճառել իրենց ապրանքները ոչ միայն Հայաստանում, այլ նաև այն ԱՊՀ երկրներում, որտեղ գործում է հարթակը՝ Բելառուսում, Ղազախստանում, Ղրղզստանում, Ուզբեկստանում։ Զարգացած լոգիստիկան նվազեցնում է փոքր բիզնեսի ծախսերը, քանի որ այլևս պետք չէ ունենալ սեփական պահեստ կամ վարձել սուրհանդակային ծառայություններ։

Տեխնոլոգիական զարգացում

Ozon-ը ձևավորում է բարձր ստանդարտներ լոգիստիկայի և ավտոմատացման ոլորտում, օգտագործում է ժամանակակից ՏՏ լուծումներ։ Սա բարձրացնում է ընդհանուր մասնագիտական մակարդակը և ստեղծում պահանջարկ բարձրակարգ մասնագետների նկատմամբ՝ վերլուծաբանների, ինժեներների, ծրագրավորողների։

Մարզերի զարգացում

Տեսակավորման կենտրոնների շուրջ բացվում են սրճարաններ, խանութներ և ծառայություններ։ Ozon-ի աշխատակիցները ստեղծում են կայուն պահանջարկ տեղական տնտեսությանում։

Ապրանքների հասանելիության բարձրացում

Մինչ Ozon-ի լոգիստիկ ցանցի ստեղծումը փոքր բնակավայրերի բնակիչները բախվում էին սահմանափակ ընտրության և բարձր գների։ Այժմ երկրի ցանկացած հատվածից գնորդները ունեն նույն տեսականու հասանելիություն, ինչ մայրաքաղաքում։

Ozon-ի ենթակառուցվածքը ստեղծում է բարելավված պայմաններ շուկայի բոլոր մասնակիցների համար՝ գնորդների, արտադրողների և համայնքների։