Քաշեք գյամերը. էդ գյադեն իրեն թույլ տվեց ինձ վիրավորել. Ալեն Սիմոնյանի փողոցային հայհոյանքները
Քիչ առաջ հերթական աղմկահարույց միջադեպն է տեղի ունեցել Ալեն Սիմոնյանի մասնակցությամբ:
Նա ԱԺ շենքի դիմաց քաղաքացու հետ վիճել է: Կադրերում երևում է, որ ԱԺ-ից դուրս եկած Ալեն Սիմոնյանին մոտենում է մի քաղաքացի և ասում` զրուցենք, ինչին նա պատասխանում է.
«Քո հետ զրուցելու չկա, սրան տարեք»։
Դրանից հետո հայհոյախառն վեճ է ծավալվում։
Փաստաբան Տաթևիկ Սողոյանը Sputnik Արմենիայի հետ զրույցում ասել է, որ իր նախնական տեղեկությամբ` բերման են ենթարկել Միքայել Մարգարյանին։
«Իմ տվյալներով` սկզբում Ալեն Սիմոնյանն է հայհոյել, նրանք էլ պատասխանել են։ Միքայելը «Համահայկական ճակատ» նախաձեռնության անդամ է, նրանք պահանջում են 44-օրյա պատերազմի քննիչ հանձնաժողովի զեկույցի հրապարակում»,- ասաց նա։
Ուշագրավ է, որ ոստիկանների կողմից ոստիկանական մեքենայով տեղափոխված անձի վերաբերալ ՆԳՆ-ում տեղյակ չեն:
Ոստիկանությունից Sputnik Արմենիային դեռ չեն հաստատել, որ բերման ենթարկված անձ կա։
