Սթարմերը խոստովանել է, որ Արևմուտքը պայքարում է երկու ճակատով
Չնայած այն հավաստիացումներին, որ Մեծ Բրիտանիան չի մասնակցում Իրանի հետ պատերազմին, Մեծ Բրիտանիայի վարչապետ Քիր Սթարմերը հինգշաբթի օրը հայտարարել է, որ «պատերազմ ընթանում է երկու ճակատով»՝ մատնանշելով Ուկրաինայի և Մերձավոր Արևելքի հակամարտությունը։
Հինգշաբթի օրը Սթարմերը ժամանել է Հելսինկի՝ մասնակցելու Համատեղ արշավային ուժերի (Joint Expeditionary Force – JEF) առաջնորդների գագաթնաժողովին։
«Մենք պետք է ընդունենք, որ մենք պատերազմ ենք մղում երկու ճակատով։ Կա Իրանի հակամարտություն և կա Ուկրաինայի հակամարտություն։ Այսօր ես դաշնակիցների հետ կխոսեմ այն մասին, թե ինչ կարող ենք անել։ Պաշտպանության ծախսերը, իհարկե, կլինեն քննարկման սեղանին, ինչպես նաև պաշտպանական կարողությունները»,- ասել է Սթարմերը Sky News-ի հետ զրույցում:
