ԱԳՆ-ում ընդունել են ՀՀ-ում հավատարմագրված դիվանագիտական ներկայացուցչությունների և միջազգային կազմակերպությունների ղեկավարներին
ՀՀ ԱԳՆ գլխավոր քարտուղար Դավիթ Կարապետյանն ընդունել է ՀՀ-ում հավատարմագրված դիվանագիտական ներկայացուցչությունների և միջազգային կազմակերպությունների ղեկավարներին` տեղեկացնում են ԱԳՆ-ից և մանրամասնում. «ԱԳՆ գլխավոր քարտուղարը ներկայացրել է մայիսի 5-ից 6-ը կայանալիք «Երևանյան երկխոսություն» 3-րդ միջազգային համաժողովի հայեցակարգը, ինչպես նաև համաժողովի նախապատրաստական աշխատանքները:
Անդրադարձ է կատարվել համաժողովի շրջանակներում կազմակերպվող «Երևանյան երկխոսություն. երիտասարդ առաջնորդներ 2026» նախաձեռնությանը, քննարկվել են համաժողովի հայեցակարգին և մասնակցության հնարավոր ձևաչափերին վերաբերող հարցեր»:
