Մակրոնը կոչ է արել չընդլայնել ԵՄ գործողությունը Կարմիր ծովում
Ֆրանսիայի նախագահ Էմանուել Մակրոնը կոչ արեց չընդլայնել «Ասպիդես» ռազմական առաքելության մանդատը, որը Մերձավոր Արևելքում լարվածության ֆոնին ապահովում է Կարմիր ծովում նավագնացության անվտանգությունը։
«Մենք հանձնառու ենք Կարմիր ծովում և Բաբ էլ-Մանդեմ նեղուցում ծովային անվտանգության և նավարկության ազատության ապահովմանը, և այս գործողությունը պետք է շարունակվի։ Այն մնում է արդիական և պետք է մնա այս խիստ շրջանակներում։ Սա է այն, ինչ մենք անվանում ենք «Ասպիդես» գործողություն՝ հունական հրամանատարության ներքո։
Այս շրջանակը չպետք է տարածվի այլ գործողությունների վրա», -ՌԻԱ Նովոստիի փոխանցմամբ՝ ասել է Ֆրանսիայի առաջնորդը հանրապետության Անվտանգության և պաշտպանության խորհրդի նիստի ժամանակ, որը նվիրված էր Իրանի և Մերձավոր Արևելքի իրավիճակին։
