Թուրքիան վերահսկում է ռազմական ԱԹՍ-ների համաշխարհային շուկայի 65%-ը
Թուրքիայի արդյունաբերության և տեխնոլոգիաների նախարար Մեհմեթ Ֆաթիհ Քաջըրը հեռուստաեթերից հայտարարել է, որ Թուրքիան այժմ դարձել է անօդաչու թռչող սարքերի (ԱԹՍ) արտադրության ոլորտի ամենափորձառու երկրներից մեկը։ Այս մասին տեղեկացնում է ermenihaber.am-ը։
Նախարարը նշել է, որ թուրքական ռազմական արդյունաբերությունը մշտապես զարգացնում է նորարարական արտադրանքներ և առաջիկայում նպատակ ունի խորացնել իր կարողություններն անօդաչու համակարգերի, հրթիռների և ռադարների ոլորտներում։
Ըստ նրա՝ Թուրքիան ձեռք է բերել աշխարհում ռազմական անօդաչու թռչող սարքերի (ԱԹՍ) շուկայի մոտ 65%-ը, և այդ ձեռքբերման զգալի մասը պատկանում է թուրքական «Baykar» ընկերությանը։ Վերջինս այժմ 37 երկրի համար հանդիսանում է ԱԹՍ-ների մատակարար։
Նախարարը նաև շեշտել է, որ «Roketsan» և «TÜBİTAK SAGE» ընկերությունները ռազմավարական հրթիռների արտադրության ոլորտում զարգացրել են բարձր մակարդակի կարողություններ՝ մշակելոց մինչև 2000 կմ հեռահարություն ունեցող հրթիռների ծրագիրը։
