Մբապեն նշել է այն ակումբը, որտեղ կշարունակեր կարիերան, եթե չտեղափոխվեր «Ռեալ Մադրիդ»
«Ռեալ Մադրիդի» հարձակվող Կիլիան Մբապեն նշել է այն ակումբը, որի կազմում կցանկանար ելույթ ունենալ, եթե իր տեղափոխությունը մադրիդյան ակումբ չկայանար 2024 թվականի ամռանը։
«Ես յոթ տարի անցկացրի Փարիզում, և դա պատիվ էր։ Կարծում եմ՝ բավականաչափ չեմ խոսել այս մասին, բայց միշտ հիշում եմ, թե որտեղից եմ եկել և ինչ մեծ ակումբ է ՊՍԺ-ն։
Ես միշտ ասել եմ, որ ՊՍԺ-ն Ֆրանսիայի ամենամեծ ակումբն է և աշխարհի լավագույններից մեկը։ Հետո տեղափոխվեցի աշխարհի ամենամեծ ակումբ [Ռեալ Մադրիդ], բայց միշտ ասել եմ, որ դա միակ ակումբն է, որի համար կհեռանայի ՊՍԺ-ից։ Եթե չհասնեի «Ռեալ Մադրիդ», ընդմիշտ կմնայի ՊՍԺ-ում։ Ես երազում էի խաղալ այս ակումբում, և շատ ուրախ եմ դրա համար։
Ես միշտ դիտում եմ ՊՍԺ-ի խաղերը, թիմում ընկերներ ունեմ, և նրանք հիմա շատ լավ են խաղում»,- Մբապեի խոսքերն է մեջբերում One Football-ը։
Այս մրցաշրջանում 27-ամյա հարձակվողը բոլոր մրցաշարերում անցկացրել է 33 խաղ՝ խփելով 38 գոլ և կատարելով վեց գոլային փոխանցում։
