Թուրքիան խստորեն դատապարտում է Իսրայելի ցամաքային գործողությունը Լիբանանում
Թուրքիան խստորեն դատապարտում է Իսրայելի ցամաքային գործողությունը Լիբանանում և համերաշխություն է հայտնում Բեյրութի հետ հարձակումների ֆոնին. ասվում է երկրի արտաքին գործերի նախարարության հայտարարության մեջ։
«Մենք ամենախիստ կերպով դատապարտում ենք Իսրայելի ցամաքային գործողությունը Լիբանանի դեմ, որն ավելի է սրում անկայունությունը տարածաշրջանում»,- ՌԻԱ Նովոստիի փոխանցմամբ՝ նշվում է հայտարարության մեջ։
Թուրքիայի արտաքին գործերի նախարարությունը շեշտել է, որ Իսրայելի ղեկավարության գործողությունները կարող են հանգեցնել լուրջ մարդասիրական հետևանքների։
