#ՀԻՄԱ. «ՀԱՅԱՍՏԱՆ» ԴԱՇԻՆՔԸ ՀԱՅՏԱՐԱՐՈՒՄ Է ՎԱՐՉԱՊԵՏԻ ԹԵԿՆԱԾՈՒԻ ԱՆՈՒՆԸ. #ՈՒՂԻՂ
Կարեն Դեմիրճյանի անվան մարզահամերգային համալիրում ընթանում է «Հայաստան» դաշինքի հանդիսավոր միջոցառումը, որի ժամանակ հրապարակվելու Հայաստանի Հանրապետության վարչապետի՝ Դաշինքի թեկնածուի անունը:
Իսկ մինչ այդ ՀՅԴ Հայաստանի ԳՄ ներկայացուցիչ Իշխան Սաղաթելյանը հայտնեց 2026 թվականի խորհրդարանական ընտրություններին «Հայաստան» դաշինքի մասնակցության նոր ձևաչափի մասին:
«Այսօր պատիվ ունեմ պաշտոնապես հայտարարելու, որ ՀՀ երկրորդ նախագահ Ռոբերտ Քոչարյանը, Հայ Հեղափոխական Դաշնակցությունը որոշել են շարունակել համագործակցությունը:
Մեզ միացել է «Առաջ» կուսակցությունը, բազմաթիվ հասարակական, հանրային գործիչներ, առաջիկա ընտրություններին մենք մասնակցելու ենք միասնաբար՝ «Հայաստան» դաշինքով»,-մանրամասնեց Իշխան Սաղաթելյանը` հայտնելով, որ «Հայաստան» դաշինքի ընտրական կարգախոսը լինելու է՝ «Միասին կարող ենք»:
