ԱՄՆ-ը կարող է սկսել ուղեկցել նավերը Հորմուզի նեղուցում. Թրամփ
Միացյալ Նահանգները կարող են անհրաժեշտության դեպքում սկսել առևտրային նավերի ռազմական ուղեկցումը Հորմուզի նեղուցով։ Նման պնդմամբ Fox News հեռուստաալիքին տված հարցազրույցում հանդես է եկել ԱՄՆ նախագահ Դոնալդ Թրամփը, հաղորդում է ՏԱՍՍ-ը։
«Մենք կարող էինք նման բան անել, եթե դրա կարիքը լիներ։ Բայց հուսանք, որ ամեն ինչ լավ կլինի։ Տեսնենք, թե ինչ տեղի կունենա», – նրա խոսքերն է մեջբերել հեռուստաալիքը։
Հիշեցնենք, որ հինգշաբթի օրը Իրանի գերագույն առաջնորդ Մոջթաբա Խամենեին հայտարարել էր, որ Իրանի իշխանությունները չեն հանելու Հորմուզի նեղուցի շրջափակումը:
