Լոնդոնը չի մեղմացնի ռուսական նավթի նկատմամբ պատժամիջոցները
Մեծ Բրիտանիան չի մեղմացնի ռուսական նավթի նկատմամբ պատժամիջոցները: Ինչպես հաղորդում են BBC-ից, այդ մասին հայտարարել է Բրիտանիայի էներգետիկայի փոխնախարար Մայքլ Շենքսը։
ԱՄՆ-ն երկրներին թույլ է տվել գնել պատժամիջոցների տակ գտնվող ռուսական նավթ և նավթամթերք, որոնք մատակարարվում են ծովային ճանապարհով՝ փորձելով մեղմել Իրանի հետ հակամարտության տնտեսական հետևանքները։
Բրիտանացի նախարարը նախազգուշացրել է այս քայլի հետևանքների մասին. նրա խոսքով՝ ՌԴ նախագահ Վլադիմիր Պուտինը հնարավորություն է ստացել ավելի շատ միջոցներ ներդնել Ուկրաինայի դեմ պատերազմում։
«Մեծ Բրիտանիայի կառավարությունը ոչ մի դեպքում չի մեղմացնի Ռուսաստանի նկատմամբ պատժամիջոցները», – ասել է Շենքսը BBC Radio 4-ի Today ծրագրի եթերում։
