Գիտնականները պարզել են, թե ինչպես կարելի է ամեն տարի կյանքը մի քանի տարով երկարացնել
Առողջ սննդակարգը կարող է մի քանի տարով երկարացնել կյանքը՝ անկախ գենետիկ նախատրամադրվածությունից կամ սեռից, ասվում է Չինաստանի Հուաչժոնգի գիտության և տեխնոլոգիայի համալսարանի գիտնականների կողմից Science Advances-ում հրապարակված ուսումնասիրության մեջ։
«Առողջ սննդի այլընտրանքային ինդեքսին, միջերկրածովյան և բուսական սննդակարգին, ինչպես նաև հիպերտոնիան կանխող և շաքարախտի ռիսկը նվազեցնող սննդակարգերին հետևելը հանգեցրել է ընդհանուր մահացության նվազմանը և կյանքի տևողության երկարացմանը»,- նշվում է հոդվածում։
Տեքստում նշվում է, որ լավագույն արդյունքները նկատվել են այն տղամարդկանց մոտ, ովքեր հետևել են շաքարախտի առաջացման ռիսկը նվազեցնելու համար նախատեսված սննդակարգին, մինչդեռ կանանց համար ամենաօգտակարը եղել է միջերկրածովյան դիետան։
Գիտնականները նշում են, որ ուսումնասիրության արդյունքները մատնանշում են առողջ սննդակարգի կարևոր առավելությունները՝ անկախ երկարակեցության գեների առկայությունից։
