«Դոնալդ Թրամփին» պատժել են հայերին վիրավորելու համար
Մախաչկալայում «Դոնալդ Թրամփ» կեղծամվամբ հանդես եկող տղամարդը տուգանվել է Տելեգրամ մեսենջերում հայերին վիրավորելու համար: Այս մասին հայտնում է քաղաքի Լենինսկի շրջանային դատարանի կայքը։
«Իսմայիլովին <…> մեղավոր ճանաչել Ռուսաստանի Դաշնության Վարչական իրավախախտումների վերաբերյալ օրենսգրքի 20.3.1 հոդվածի 1-ին մասով նախատեսված վարչական իրավախախտում կատարելու մեջ և նշանակել տաս հազար ռուբլու չափով վարչական տուգանք»,- ասվում է որոշման մեջ։
Գործի նյութերի համաձայն՝ Տելեգրամում «Դոնալդ Թրամփ» կեղծամվամբ հանդես եկող օգտատիրոջ մեկնաբանություններում հայերի դեմ անօրինական գործողություններ հրահրող հայտարարություններ են եղել։
Տղամարդը խոստովանել է իր մեղքը և չի բողոքարկել դատարանի որոշումը։
