Սպիտակ տունը Կուբայի հետ գործարք է պատրաստում
ԱՄՆ նախագահ Դոնալդ Թրամփի վարչակազմը պատրաստում է Կուբայի հետ տնտեսական համաձայնագիր, որի մասին կարող է շուտով հայտարարվել: Այս մասին հաղորդում է USA Today-ը՝ հղում անելով վարչակազմի ծրագրերին ծանոթ երկու աղբյուրների։
«Առաջարկվող համաձայնագրի մանրամասները և ճշգրիտ ժամկետները դեռևս անհայտ են։ Այնուամենայնիվ, համաձայնագիրը կարող է ներառել դեպի Հավանա ամերիկացիների ուղևորությունների սահմանափակումների մեղմացում»,- նշվում է հրատարակության մեջ։
Հրատարակությունը հավելել է, որ համաձայնագիրը, ենթադրաբար, լուծում է Կուբայի նախագահ Միգել Դիաս-Կանելին կղզուց հեռանալու և Կաստրո ընտանիքին կղզում մնալու թույլտվություն տալու հարցերը: Ավելին, ըստ հրատարակության, փաստաթուղթը պարունակում է նավահանգստի օգտագործման, էներգետիկայի և զբոսաշրջության վերաբերյալ բաժիններ:
