Թրամփը մեկնաբանել է Խամենեիի որդու՝ Իրանի գերագույն առաջնորդ ընտրվելը
ԱՄՆ նախագահ Դոնալդ Թրամփը, լրատվամիջոցների հետ զրույցում մեկնաբանելով այաթոլլա Ալի Խամենեիի որդու՝ Մոջթաբայի՝ Իրանի գերագույն առաջնորդ ընտրվելը, հայտարարել է, որ «գոհ չէ» և կհետևի զարգացումներին։
«Ես գոհ չեմ [Մոջթաբա Խամենեիի՝ Իրանի գերագույն առաջնորդ ընտրվելուց – խմբ.]», – ասել է Թրամփը Fox News-ի լրագրող Բրայան Քիլմիդի հետ զրույցում:
Ամերիկացի առաջնորդը նաև իսրայելական Times of Israel հրատարակությանը տված հարցազրույցում նշել է, որ կհետևի Իրանի նոր գերագույն առաջնորդի ընտրության շուրջ զարգացումներին։
«Կտեսնենք, թե ինչ կլինի»,- ասել է Թրամփը՝ առանց մանրամասներ հայտնելու:
Ավելի վաղ հաղորդել էինք, որ Իրանի Փորձագետների խորհուրդը Իսլամական Հանրապետության նոր առաջնորդ է նշանակել այաթոլա Սեյեդ Մոջթաբա Խամենեիին։
Իրանի նոր հոգևոր առաջնորդը սպանված այաթոլա Ալի Սեյեդ Խամենեիի որդին է։
