Ալեգրին նշել է այն խաղացողներին, որոնց կցանկանար տեսնել «Ռեալ Մադրիդում»՝ ակումբը գլխավորելու դեպքում
«Միլանի» գլխավոր մարզիչ Մասիմիլիանո Ալեգրին «Ռեալ Մադրիդը» գլխավորելու դեպքում մադրիդյան ակումբի ղեկավարությանը կխնդրի պայմանագիր կնքել իր ներկայիս թիմի երկու խաղացողի հետ: Այս մասին հաղորդում է Tuttosport-ը։
Ալեգրին կխնդրի վերադարձնել կիսապաշտպան Լուկա Մոդրիչին, ով նախկինում խաղացել է մադրիդյան ակումբում: Ֆուտբոլիստի պայմանագիրը միլանյան ակումբի հետ երկարաձգելու վերաբերյալ որոշում դեռևս չի կայացվել: Ալեգրին 40-ամյա խորվաթին տեսնում է որպես մեկի, ով կարող է մարզչի գաղափարները փոխանցել խաղադաշտում։
Երկրորդ խաղացողը կարող է լինել կիսապաշտպան Ադրիեն Ռաբիոն, ով Մասիմիլիանոյի ղեկավարությամբ կարևոր դեր է խաղացել «Յուվենթուսում» և այժմ «Միլանի» առաջատար խաղացողներից մեկն է։
Նախկինում հաղորդվում էր, որ «Ռեալ Մադրիդը» 58-ամյա իտալացուն դիտարկում է որպես գլխավոր մարզչի ամենահավանական թեկնածու։
Իսպանական առաջնությունում 26 խաղից հետո «Ռեալ Մադրիդը» ունի 60 միավոր և զբաղեցնում է երկրորդ տեղը մրցաշարային աղյուսակում՝ չորս միավորով հետ մնալով «Բարսելոնայից»։
