Սպիտակ տունը Իրանի ղեկավարի պաշտոնի համար թեկնածու չունի. լրատվամիջոցներ
Սպիտակ տունը որևէ կոնկրետ թեկնածու չունի Իրանի առաջնորդի պաշտոնի համար այաթոլլա Ալի Խամենեիի սպանությունից հետո։ Բոլոր հավանական թեկնածուները սպանվել են Իսլամական Հանրապետության դեմ ուղղված հարվածների ժամանակ, երեքշաբթի օրը հաղորդել է Politico-ն՝ հղում անելով ԱՄՆ վարչակազմի իրազեկ աղբյուրներին։
«Նախագահ Դոնալդ Թրամփը մտքում ուներ հավանական իրավահաջորդի, երբ նրա վարչակազմը հունվարին ձերբակալեց Վենեսուելայի նախկին առաջնորդ Նիկոլաս Մադուրոյին։ Նա նման տարբերակ չունի Իրանի դեպքում»,- նշվում է հոդվածում։
Politico-ի աղբյուրները պնդում են, որ Իրանի դեմ գործողությանը նախապատրաստվելիս ամերիկյան հետախուզությունը կապեր է հաստատել Իսլամական հեղափոխության պահապանների կորպուսի մի քանի անդամների հետ։
Հաղորդվում է, որ Թրամփն ինքը ABC-ին տված հարցազրույցում խոստովանել է, որ այս դերի համար դիտարկվող մի քանի մարդիկ զոհվել են Իրանին հարվածների հետևանքով։
