Իսրայելի պաշտպանության բանակը մտնում է Լիբանան և զբաղեցնում առանցքային կետեր. հայտարարություն
Իսրայելի խորհրդարանի նախկին պատգամավոր, Իսրայել-Հայաստան խորհրդարանական բարեկամական խմբի հիմնադիր Ալեքսանդր Ցինկերը հրապարակել է ԻՊԲ (ՑԱԽԱԼ) մամուլի ծառայության հաղորդագրությունը. «Իսրայելի պաշտպանության բանակը մտնում է Լիբանան և զբաղեցնում առանցքային կետեր
ԻՊԲ ուժերը սկսել են Իսրայելի հյուսիսային բնակավայրերի պաշտպանության առաջնագծի ձևավորման գործողությունը:
«Առյուծի մռնչյուն» գործողության շրջանակներում իրականացվող քայլերին զուգահեռ, 91-րդ դիվիզիայի ստորաբաժանումները գործում են Հարավային Լիբանանում՝ վերահսկողության տակ պահելով մի շարք առանցքային կետեր՝ սահմանամերձ շրջաններում անվտանգությունն ուժեղացնելու նպատակով:
ԻՊԲ-ն ստեղծում է հյուսիսի բնակիչների պաշտպանության լրացուցիչ շերտ՝ «Հեզբոլլահ» ահաբեկչական կազմակերպության ենթակառուցվածքներին հասցվող լայնամասշտաբ հարվածների միջոցով՝ կանխելով սպառնալիքներն ու Իսրայելի տարածք ներթափանցման փորձերը:
Բանակում ընդգծել են. «Իրանի հանձնարարությամբ գործող «Հեզբոլլահը» պատասխանատվություն է կրում իր որոշումների համար»:
ԻՊԲ-ն թույլ չի տա վնաս հասցնել Իսրայելի քաղաքացիներին»:
