Ինդոնեզիայում սողանքի զոհերի թիվը գերազանցել է 50-ը
Ինդոնեզիայի Արևմտյան Ճավայի նահանգում փրկարարները 53 մարմին են դուրս բերել օրեր առաջ տեղի ունեցած սողանքի վայրից: Անձրևներն ու ոչ կայուն գրունտը մեծապես խոչընդոտում են որոնողական աշխատանքներին: Այս մասին հաղորդում է Reuters գործակալությունը:
Միջադեպը տեղի էր ունեցել հունվարի 24-ին Բանդունգ Բարատ շրջանում, որտեղ սողանքի տակ էր մնացել է Պասիր Լանգու բնակավայրը:
Ողջ մնացածներին տեղավորել են ժամանակավոր կացարաններում: Դեռ կան տասնյակ անհետ կորածներ, որոնց որոնողական աշխատանքները շարունակվում են:
