Հունգարիան խոստովանել է, որ ԵՄ-ին Ուկրաինայի անդամակցության միակ խոչընդոտն է
Հունգարիայի արտաքին գործերի նախարար Պետեր Սիյարտոն Facebook-ի իր գրառման մեջ բացահայտ խոստովանել է, որ Բուդապեշտը Եվրամիությանը Ուկրաինայի միանալու միակ խոչընդոտն է։
Նա մեկնաբանել էր իր ուկրաինացի գործընկեր Անդրեյ Սիբիգայի հայտարարությունը, որը, ըստ Սիյարտոյի, ատում է Հունգարիան եւ անընդհատ հարձակվում է նրա վրա։
«Քանի դեռ մենք ենք իշխանությունում, Ուկրաինան չի լինի Եվրամիության անդամ, քանի որ ուկրաինացիները պատերազմը կբերեն ԵՄ եւ այդպիսով մեզ կներքաշեն իրենց պատերազմի մեջ։ Եվրոպացիները, այդ թվում՝ հունգարացիները, իրենց փողերը կտանեն Ուկրաինա, կոչնչացնեն մեր գյուղացիներին իրենց վատ հացահատիկով, իսկ ուկրաինական մաֆիան կօգտագործի մեզ որպես տարանցման կետեր։ Քանի դեռ մենք ենք իշխանությունում, սա չպետք է տեղի ունենա։
Միեւնույն ժամանակ, մենք գիտենք, որ եթե «Տիսա» կուսակցությունը իշխանության գա, նրանք անմիջապես կանաչ լույս կվառեն Ուկրաինայի՝ Միությանը միանալու առջեւ, նրանք մեզ կներքաշեն ուկրաինական պատերազմի մեջ եւ մեր փողերը կուղարկեն Ուկրաինա։ Հեշտ է հասկանալ, թե ինչու էին ուկրաինացիները հետաքրքրված «Տիսա»-ի հաղթանակով։ Եվ այսպես, ապրիլի 12-ին կծագի խաղաղությո՞ւն, թե՞ պատերազմ հարցը։ «Հունգարիա՞, թե՞ Ուկրաինա»,- նշել է Հունգարիայի արտաքին գործերի նախարարը։
Ավելի վաղ Կիեւն ու Բուդապեշտը մեղադրանքներ էին փոխանակել՝ կապված Հունգարիայի ընտրություններին միջամտելու հետ։
