Ադրբեջանը կրկին մարդասիրական օգնություն է ուղարկել Ուկրաինա. լրատվամիջոցներ
Սումգայիթի տեխնոլոգիական պարկից էլեկտրական սարքավորումների ևս մեկ խմբաքանակ է ուղարկվել Ուկրաինային մարդասիրական օգնություն տրամադրելու համար. նշում են ադրբեջանական լրատվամիջոցները:
AZERTAC-ի տվյալներով՝ Էներգետիկայի նախարարությունը նպաստել է օգնության մատակարարմանը՝ համաձայն Ադրբեջանի նախագահ Իլհամ Ալիևի համապատասխան հրամանագրի։
Նշենք, որ Ադրբեջանը նախկինում մարդասիրական օգնություն է ուղարկել Ուկրաինա՝ կապված էլեկտրաէներգիայի մատակարարման հետ։
