Հունվարի 28-ի գիշերը և առավոտյան ժամերին ճանապարհներին կձևավորվի մերկասառույց

Հիդրոօդերևութաբանության և մոնիթորինգի կենտրոնը կանխատեսում է մառախուղի կաթիլների բյուրեղացում։

Հունվարի 28-ի գիշերը և առավոտյան ժամերին ցածր ջերմաստիճանի և բարձր խոնավության պայմաններում կանխատեսվում է մառախուղի կաթիլների դեսուբլիմացիա՝ ջրային գոլորշու անցում անմիջապես պինդ վիճակի, որոնք կառաջացնեն մանր սառցաբյուրեղներ՝ ճանապարհներին ձևավորելով մերկասառույց:

Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները, պահպանել սովորականից ավելի մեծ տարածություն և երթևեկել բացառապես ձմեռային անվադողերով։