Գիտնականները նախազգուշացրել են գեոմագնիսական միջավայրի հնարավոր վատթարացման մասին

Չորեքշաբթի օրը գեոմագնիսական պայմանները կարող են մի փոքր ավելի բարդանալ՝ Արեգակի վրա պսակաձև անցքի ազդեցության պատճառով։ Այս մասին հայտնում է Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիան։

«Գեոմագնիսական իրավիճակը հանգիստ է։ Վաղը սպասվում է գեոմագնիսական ցուցանիշների աննշան աճ՝ պսակաձև անցքի ազդեցության պատճառով։ Արեգակնային քամու արագությունն ու խտությունը միջին մակարդակի վրա են։ Վերջին 24 ժամվա ընթացքում ինտենսիվ բևեռափայլեր չեն դիտարկվել, և հաջորդ 24 ժամվա ընթացքում չեն սպասվում»,- ասվում է լաբորատորիայի Տելեգրամալիքում տեղադրված հայտարարության մեջ։