Իրանի ԱԳ նախարարը հաստատել է ավելի քան 3000 մարդու մահվան փաստը
Իրանի արտաքին գործերի նախարարը հաստատել է ազգային լրատվամիջոցների հաղորդագրությունները, որ երկրում տեղի ունեցած անկարգությունների ընթացքում զոհվել է ավելի քան 3000 մարդ։
«Մահացածների ընդհանուր թիվը 3117 է», – գրել է Արաղչին իր Telegram ալիքում:
Զոհերի թվում են քաղաքացիական անձինք և անվտանգության ուժեր: Արտաքին գործերի նախարարը նաև ներկայացրել է խանութներին, բանկերին, բնակելի շենքերին և մզկիթներին հասցված վնասի վիճակագրությունը:
Հունվարի 21-ին իրանական Tasnim, Fars, ISNA լրատվական գործակալությունները և IRIB հեռուստաալիքը առաջին անգամ հաղորդել էին անկարգությունների հետևանքով զոհվածների թվի մասին:
