Ներկայացրել եմ Հայաստանում առկա իրավիճակը՝ անդրադառնալով քաղբանտարկյալների խնդրին. Հայկ Դերզյան
ՀՀԿ խորհրդի անդամ Հայկ Դերզյանն իր Ֆեյսբուքի էջում հայտնել է, որ Հունգարիայի մայրաքաղաք Բուդապեշտում մասնակցել է «Ռոբերտ Շուման» ինստիտուտի կազմակերպած երեք մասից բաղկացած «Երիտասարդ առաջնորդներ 2025-2026» խորագրով ծրագրին։
Այս անգամ նա ծրագրի շրջանակում խոսել է Ադրբեջանում ապօրինաբար պահվող գերիների, Հայաստանում քաղբանտարկյալների, Հայ Առաքելական եկեղեցու թիրախավորման խնդիրնների մասին:
«Ներկայացրել եմ Հայաստանում առկա իրավիճակը՝ անդրադառնալով քաղբանտարկյալների խնդրին, ինչպես նաև Ադրբեջանի գերության մեջ գտնվող մեր հայրենակիցների իրավունքների կոպիտ խախտումներին։ Խոսել եմ Ադրբեջանի կողմից իրականացված օկուպացիայի և դրա հետևանքների մասին։ Առաջնահերթ թեմաներից էր նաև եկեղեցու դեմ իրականացվող ամենաթողությունը»,- գրել է Հայկ Դերզյանը:
